Eins gott að allt fór vel

Þetta er örugglega ekki skemmtileg lífsreynsla.

Sneri við og lenti í Keflavík

Fyrsta frívikan mín í sumar

Jæja ...... ég var búin að skrifa hérna heil langt blogg og svo missti ég allt út.  Frekar pirrandi.

Nú er ég hálfnuð í fríi í bili og þessi vika leið mjög hratt. Ég var nú ekki heldur alveg í fríi þar sem ég er búin að eyða meiri tíma í Tupperware vinnuna núna. Hélt kynningu heima á miðvikudaginn og var svo með söluborð í Mjódd á fimmtudaginn. Áslaug vinkona kom svo og var með mér frá hálf þrjú. Þetta var bara skemmtilegt, ég hitti fullt af fólki sem ég þekki og sem ég þekki ekki. Seldi meira að segja coolustu kælitöskunua mitt eintak sem ég var ekki farin að nota.  (Mynd af henni hér að ofan). Kaupandinn gat ekki beðið til fimmtudags, var að fara úr bænum.   Við erum búin að vera að nota eldri gerðina af þessari í 12 ár, farið með jafnt út á land sem í sólarlandaferðir. Hún er líka tvöföld, hægt að taka innan úr henni þykkt plasthólf til að þrífa og setja kælikubba þar fyrir innan en annars er hún álklædd að innan.  Í kvöld geng ég svo frá pöntun vikunnar en þetta er seinasti dagur  sem þessi taska er í sölu, hún er ekki í bækling. 

Heiðdís Harpa er á sundnámskeiði þannig að við sofum ekki út í fríinu en ég hef verið sæmilega dugleg að fara í sund á meðan.  

Á föstudaginn lenti Heiðdís í frekar erfiðum 7 ára strák sem reif af henni gleraugun og bjó til skúlptúr úr umgjörðinni. Afgreiðslukonan í Auganu hafði aldrei séð annað eins en sem betur fer var til sams konar umgjörð. Nú þarf ég bara að ræða við móður drengsins betur.  

Í gær áttum við svo góðan dag á Þingvöllum, fórum og grilluðum í sumarbústað með góðu fólki og meira að segja unglingurinn kom með. Endaði svo kvöldið með því að horfa loksins á myndina Notebook sem ég ætlaði að vera búin að sjá fyrir löngu og ég varð ekki fyrir vonbrigðum með hana, svo sæt eitthvað. 

 

Þjóðhátíðarsmellur ?

Ágætis lag sem á sennilega eftir að heyrast mikið næsta mánuðinn.  Það er eitthvað í laginu sem minnir mig á lag frá níutíuog eitthvað.

Síðsumarþjóðhátíðarlag frá Baggalúti

Cyndi Lauper Time after Time

 

Hér er eitt gamalt og gott.  Ég náði í nýtt myndband af þessu sem er með texta, hitt var með einhver leiðindi við mig. Það var ekki hægt að spila það hér.

 

Ég alltaf jafn heppin

Var að byrja í fríi og fæ rigningu alla fyrstu vikuna. Þá gefst kannski bara tími til að taka til í skápum, geymslum, fara á útsölur og slappa af heima. Þarf núna að koma skipulagi á  Tupperware lagerinn minn í þvottahúsinu. Það er ótrúlegt hvað safnast saman af þessu í gegnum tíðina, enda búin að vera selja Tupperware síðan 1993.   Ætla að vera dugleg í ræktinni líka þessa frídaga og gera eitthvað skemmtilegt með dætrunum, gerist kannski myndarleg og baki uppáhaldssúkkulaðitertuna á morgun.

 

 

Þykknar upp vestantil í dag

No more lonely nights

Paul McCartney klikkar ekki.  

Ég rakst á þetta lag sem ég hef ekki heyrt svoldið lengi en það er alltaf jafn ljúft.

Bilanafaraldur?

Ég hélt alltaf að mikið eftirlit væri með Tívolí tækjum allavega á Norðurlöndunum en ég var að lesa að 150 manns slasist árlega í tækjum í skemmtigörðum í Danmörku það er svakalegt.  En þetta slys í Svíþjóð er þriðja slysið á örfáum dögum sem ég frétti af. Eftir slys í Faarup Sommerland liggur 8 ára drengur lfshættulega slasaður. 

Ég held ég hugsi mig tvisvar um næst áður en ég stekk upp í eitthvað  brjálað tívolí tæki.

Sjá líka: http://jp.dk/indland/article1385229.ece

http://ing.dk/artikel/89699?bund

Leiktækið var skoðað í vor

Linda Rondstadt

Linda Rondstadt er 62 ára í dag. Man einhver eftir henni? Þetta lag finnst mér alltaf fallegt en ég hef ekki heyrt það lengi. Þetta var sturtulagið mitt á tímabili á unglingsárunum.

Dirty Dancing

Ég dreif mig í Dirty Dancing tíma í World class í dag/kvöld og er bara ánægð með að hafa drifið mig af stað,  sporin flott og skemmtileg og í kvöld var blanda af salsa og jazz sporum. Mér finnst samt alltaf pínu mál að koma ný inn í svona tíma sem eru búnir að vera í nokkrar vikur.  Það er svo mikil keyrsla á þessu ég þarf að hafa mig alla við að muna hvað kemur næst nógu hratt. Hef sennilega ekki litið út eins dancing queen allan tímann..  Dans er samt  skemmtilegasta líkamsræktin þannig að ég ætla að reyna að halda áfram í þessu og taka svo kannski nokkra tækjatíma með inná milli.

Nýtt blogg

Jæja það er spurning hvort ég endist í þessu frekar en í gamla blogginu mínu fyrir nokkrum árum, en let´s try it at least.

Mér finnst frábært að geta flett upp  alls konar tónlist á youtube og hér er frábært lag: "Brass in Pocket" með Pretenders, gamalt og gott  sem vekur upp minningar.